þriðjudagur, 14. desember 2010

Arthúr allur


Um síðastliðna helgi tókum við Jónas þá ákvörðun að hætta með teiknimyndasöguna Arthúr. Henni höfðum við haldið gangandi frá ágúst byrjun 2005 eða í rúm 5 ár, með stuttum hléum til að byrja með, sem urðu lengri með tímanum.

Ástæðan fyrir því að við hættum er einfaldlega þreyta og tímaleysi. Kominn tími á að breyta til og prófa eitthvað nýtt.

Það er ekki laust við að ég sé frekar sorgmæddur eftir þessa ákvörðun, eins og ég hafi verið að kveðja góðan vin. Í kjölfarið hef ég rifjað upp þann tíma sem Arthúr hefur fylgt mér og hvað hefur gerst og breyst á þeim tíma. Svo hætti ég því, næstum tárvotur.

En nóg af væmni. Meira af tölfræði.

  • Strípan hófst 1. ágúst 2005 og lauk í gær, 13. desember 2010. Það gera 1.960 daga, 280 vikur, 64,4 mánuði eða 5,4 ár. Á þeim tíma gáfum við út um 663 strípur.
  • Það gera 0,34 strípur á dag, 2,37 á viku, 10,3 á mánuði og 123,6 á ári.
  • Á þessum tíma hafa mælst 1,4 milljón stakar IP tölur/stakir gestir á síðunni og um 22 þúsund í hverjum mánuði.
  • Mesta aðsóknin var á mánudögum og vinsælasti tíminn milli 17:00 og 18:00.

Síðan verður opin áfram, ef einhver vill lesa gamlar strípur. Blóm og kransar eru afþakkaðir.

4 ummæli:

  1. Ég vona að þið endurskoðið þetta í framtíðinni. Arthúr er besta íslenska vefmyndasagan.

    SvaraEyða
  2. Þakka hólið. Spyrjum að leikslokum.

    SvaraEyða
  3. Gerið allavega þrjár í viðbót...svona til þess að enda á skemmtilegri tölu...það er eitthvað svo mikil uppgjöf að enda í 663.

    Látið síðustu fjalla um að Arthúr sé að mála skrattann á vegginn.

    - Kjarri

    SvaraEyða
  4. hehe ég er bara feginn að við hættum ekki eftir þriðju strípuna.

    SvaraEyða

ATH. Þegar athugasemd hefur verið rituð þarf stundum að staðfesta hana, eftir að smellt hefur verið á "Post Comment". Hafið það í huga.