Í nótt horfði ég NBA úrslitaleik í beinni útsendingu á Stöð 2 Sport. Svali og Benni lýstu leiknum nokkuð vel. Í miðri útsendingu segir Svali allt í einu: "Ég vil benda krökkum fyrir norðan sem eru að fara að dimmitera á að klæða sig ekki upp sem ísbirnir". Þetta kom engu við sem fram fór í útsendingunni.

Ég hló svo mikið að ég sá mig tilneyddan til að kýla í vegg þar til sársaukinn yfirgnæfði hláturþörfina og eðlilegt ástand komst á. Fyrir utan allt blóðið og mölbrotinn vegg.

Ég veit ekkert hvernig leikurinn fór.