fimmtudagur, 30. desember 2004

Síðasta sólarhring hef ég fengið þrjú hrós frá þremur einstaklingum. Þau voru eftirfarandi:

1. Eugene körfuboltaþjálfari Hattar og Bandaríkjamaður, sem ég spjallaði, að sögn, vel og lengi við á ballinu um daginn, spurði mig blákalt hvort ég gæti spilað með Hetti í vetur. Ég er á förum 2. janúar næstkomandi til Reykjavíkur og því brosti ég bara eins og fífl og gekk dáleiddur af hamingju í burtu.

2. Mexíkósk stelpa á MSN spjallforritinu sagði útlit mitt geta laðað að stelpur úr heimalandi sínu þar sem ég er með blá augu. Ég á pantað flug þangað 2. janúar næstkomandi.

3. Ég sagði við sjálfan mig í spegilinn þegar ég vaknaði í morgun "þú ert æði, Finnur!", eins og alltaf.

Þrjú hrós er aðeins fyrirboði harmfara í mínu lífi og því mun ég ekki mæta á ball annað kvöld, gamlárskvöld, heldur liggja undir feldi, einn.

0 athugasemdir:

Skrifa ummæli

ATH. Þegar athugasemd hefur verið rituð þarf stundum að staðfesta hana, eftir að smellt hefur verið á "Post Comment". Hafið það í huga.