Enn ein nóttin liðin við lærdóm fyrir lokapróf. Að þessu sinni er það tölfræðin, stóra ástin í lífi mínu, sem ég hef reyndar vanrækt upp á síðkastið. Tilhlökkunin við að komast í prófið og njóta ásta með tölfræðiprófinu er því óendanleg. Vei þeim manni eða þeirri konu sem reynir að koma upp á milli mín og tölfræðinnar!

Með þessum orðum kveð ég geðheilsu mína sem hefur fylgt mér alla mína ævi, utan einnar viku í febrúar árið 2000, sem ég fer ekki nánar í að svo stöddu.